༄། །སྤྲིན་དཀར་ལམ་རྙིང་ཞེས་པའི་དཔེ་དེབ་འདི་ནི་སྟོན་པ་བཅོམ་ལྡན་འདས་ཀྱི་ཐུན་མོང་གི་མཛད་རྣམ་ཤིན་ཏུ་གྲགས་ཆེ་བ་ཞིག་སྟེ། རྩོམ་པ་པོས་པཱ་ལི་དང

ལེགས་སྦྱར རྒྱ་ནག་སྐད་བཅས་སུ་བཞུགས་པའི་འབྱུང་ཁུངས་ཡིག་ཆ་ཉེར་བཞི་ལ་གཞི་བཅོལ་ནས་བཅོམ་ལྡན་འདས་ཀྱི་སྐུ་ཚེའི་རྣམ་ཐར་སྤྱི་དང་། བྱེ་བྲག་གསུང་གི་མཛད་པ་རྩལ་དུ་བཏོན་ནས་གོ་བདེ་བ་དང་སྙན་ཞིང་འཇེབས་པར་བྲིས་འདུག

རྣམ་ཐར་འདིའི་ཆ་ཤས་གཅིག་ནི་ཁྱེའུ་བཀྲ་ཤིས་ཀྱི་མིག་མདུན་དུ་ལྷགས་པའི་སངས་རྒྱས་ཀྱི་མཛད་པ་དང་ཆ་ཤས་གཞན་དེ་སངས་རྒྱས་རང་ཉིད་ཀྱིས་སྤྱན་གྱིས་གཟིགས་པའི་སྐུ་ཚེའི་རྣམ་ཐར་བཅས་ལས་གྲུབ་ཡོད་པ་ལྟར། རྩོམ་རིག་སྒྱུ་རྩལ་གྱི་ཁྱད་ཆོས་ཡོངས་སུ་ཐོན་ཡོད་པའི་བོད་འགྱུར་མ་འདི་ཉིད་ད་ལམ་ཀློག་པ་པོའི་སྤྱན་ལམ་དུ་བསྟར་ཐུབ་པ་ནི་བོད་ཡིག་ཀློག་པ་པོ་རྣམས་ལ་སྐྱེས་ཆེན་པོ་ཞིག་ཡིན་པ་མ་ཟད། སྐྱེས་བུ་དམ་པ་གང་ན་སུ་བཞུགས་རྣམས་ལ་རྒྱལ་བ་དགྱེས་པའི་མཆོད་སྤྲིན་བླ་ན་མཐོ་བ་ཞིག་ཏུའང་གྱུར་ཡོད།

རྩོམ་པ་པོ་ནི་ཝིཏ་ནམ་ནས་ཡིན་པའི་གྲགས་ཅན་གྱི་སློབ་དཔོན་ཆེན་པོ་ཐིག་ནཏ་ཧཱན་ཡིན་ཞིང་ཁོང་གིས་ལོ་ན་གཞོན་པའི་དུས་ནས་ཞི་བ་དང་འཆམ་མཐུན་གྱི་ཐད་ལ་སྐུ་ངལ་འཛེམས་མེད་ཀྱིས་འབད་བརྩོན་གནང་སྟབས།མར་ཊིན་ལུ་ཐར་ཀིང་སེམས་འགུལ་ཚད་མེད་ཐེབས་ཏེ ཕྱི་ལོ་༡༩༦༧ ལོར་ནོ་སྦེལ་ཞི་བའི་གཟེངས་རྟགས་ཀྱི་འོས་མིར་མཚན་འདོན་གནང་ཁོང་གི་སྐུ་ཚེའི་རིང་ནང་པའི་དཔེ་དེབ་བརྒྱ་ཕྲག་བརྒལ་བ་བརྩམས་ཤིང་སློབ་བུ་ཁྲི་མ་འབུམ་ལ་གསུང་ཆོས་རྒྱ་ཆེར་གནང་ཡོད།